Ordsamling | Grammatikk | Målføreprøve | Lydskrift

Ordsamling

1188 ord frå Vik i Sogn

ødd, ei [ødd]

Vera i ødd = vera ivrig, uppglødd, "fyr og flamme" (HS). Sogn og Sunnfjord.

ødla, ei ["øddla]

Eit yverdrive elskverdig menneske (HS). Sogn, Voss og Hardanger.

ødleblid, adj ["øddlebli:]

Søtblid (HS).

økkel, eit

"Vokster", kjøtklump - helst i andlitet eller andre stader i hovudet (HS). Samanheng med auka, veksa.

ørbudla, ei ["ø:rbUdla]

Fara i ørbudla. Vera "oprømt", tala slik at folk ikkje skynar kva ein meinar (HS).

øva, v ["ø:va]

Øva seg = veksa, "heve" seg. (Ross: eva seg) (HS)

øva seg, v ["ø:va se:g]

So vidt rikka seg? Mest um båt som med naudi greider båregang og motvind. "Baot'n kann 'kje øva seg yve baoredna eingaong" (HR).

øye, adv ["åi:e] - normert øgje, øge

Veldig, uvanleg. "Da va øye artigt å sjao", "Da va no øye te mas". Av adjektivet øgjen 'skræmeleg, fæl, øgjeleg' (TH).

øyelaust, adv ["åi:eleust]

Uvanleg, veldig (HR). Sjå øye.

øygle, adj ["åigle] - normert øgjeleg

Nifst, kaldsleg. Når dei står uppe på eit høgt flogfjell og ser utfyre, segjer dei det er øygle (HS). Fleire målføre.