Weather

Vegmeldingar for Rv 13 over Vikjafjellet

• Køyreforhold.
  Bert og vått. Klokka 18:30 var det 2 grader, laber bris og yr.
  Sist endra 11. December 2013 klokka 06:35

Opptur Vik

Vik næringssamskipnad er ein samanslutning av næringsdrivande i Vik. Små og store verksemder frå alle bransjar er med – inkludert landbruket og Vik kommune.

Verksemdene i Vik har ei stor utfordring når det gjeld rekruttering av arbeidskraft. Vik næringssamskipnad sette i 2007 i gong eit utviklingsprosjekt med mål om å fremja rekruttering til bygda, og ei prosjektgruppe vart vald. Målet vårt var å utarbeida eit forprosjekt med ein prosjektplan for meir langsiktig arbeid med rekruttering og merkevarebygging for Vik.

Starten på dette arbeidet, var ei inspirasjonssamling i august 2007 for alle tilsette i verksemdene våre og Vik kommune, i det nye skianlegget på Kålsete. Til saman var me meir enn 100 som gjennomførte ei arbeidsøkt ved hjelp av ein dyktig prosessrettleiar. Resultatet vart ei flott liste med tiltak for å fremja rekruttering. Meir enn halvparten av dei frammøtte forplikta seg til vidare deltaking i arbeidet.

Dette vart fylgt opp i fleire samlingar utover hausten og vinteren der me m.a. arbeidde med visjon for Vik. Me hadde idedugnad og deretter prioriterte me tiltaka og laga ein plan for arbeidet framover. Gruppene er no sjølvgåande og rapporterer til prosjektgruppa.

Me samla oss om tiltak innan 3 hovedområde, med hovedmål å fremja rekruttering:

• Gruppe 1: Samarbeid om heilårsveg Vik-Voss
• Gruppe 2: Henta tilbake utflytte vikjer og tilretteleggja for arbeid/gode oppvekstvilkår
• Gruppe 3: Samla informasjon om og marknadsføra Vik sine fortrinn i ei felles heime-side på nettet.